O Conservatorio

O Conservatorio Profesional de Música de Ourense é un centro de ensino, dependente da Consellería de Educación e Organización Universitaria, destinado á formación de futuros profesionais da música. No noso conservatorio impártense as ensinanzas regradas de música dos graos elemental e profesional das especialidades de acordeón, canto, clarinete, clave, contrabaixo, fagot, frauta, frauta de bico, gaita galega, guitarra, oboe, órgano, percusión, piano, saxofón, trombón, trompa, trompeta, tuba, viola, viola da gamba, violín e violonchelo.

Programacións didácticas

As programacións didácticas son os documentos nos que se concretan os obxectivos que se queren acadar, os contidos que se traballarán para acadar os obxectivos establecidos, a metodoloxía que utilizaremos para ensinar eses contidos e que procedementos de avaliación se utilizarán para comprobar os resultados obtidos polos alumnos e alumnas.

Cada unha das materias que se imparten no centro conta cunha programación que está á vosa disposición, para consulta e descarga, na sección de DESCARGAS desta páxina web.