Benvidos á páxina web do Conservatorio Profesional de Música de Ourense. Na nosa web poderedes atopar información referente á estrutura, funcionamento e actividades do centro.

Con medio século de historia, celebrado recentemente cun magnífico ciclo de concertos e conferencias, o Conservatorio Profesional de Música de Ourense afronta a súa madurez con forzas e ilusións renovadas agardando que o futuro estea, para todos os que formamos parte da comunidade educativa do centro, cheo de éxitos.

A través desta páxina web o conservatorio quere pór á vosa disposición información referente a cuestións académicas (probas de acceso, calendario escolar, lexislación, etc.) e ás actividades culturais (cursiños, concertos, etc.) que o centro organiza regularmente. Do mesmo xeito pretendemos que sexa unha canle de comunicación á través da cal poidades facernos chegar as vosas dúbidas e suxestións.

Agardando que este espazo virtual sexa do voso agrado recibide un afectuoso saúdo.

O Equipo Directivo